Chlamydia
Beth yw chlamydia?
Bacteria yw Chlamydia sy'n gallu effeithio ar yr organau cenhedlu, yr wrethra a'r rectwm mewn dynion a merched, ond gall hefyd effeithio ar y gwddf a'r llygaid.
Sut mae'n cael ei drosglwyddo?
Mae'n cael ei drosglwyddo trwy ryw ddiamddiffyn trwy'r wain, trwy'r geg neu trwy'r anws, wrth rannu teganau rhyw, neu o fam i'w phlentyn wrth ei (g)eni.
Arwyddion a symptomau
Nid oes gan tua 50% o ddynion a 70% o ferched sydd â chlamydia unrhyw symptomau o gwbl. Yn aml, mae'r symptomau'n ysgafn iawn, a dyw'r unigolyn ddim yn sylwi arnynt, ond ymysg yr arwyddion nodweddiadol o chlamydia ymysg dynion a merched mae'r canlynol:
- rhedlif anarferol o'r pidyn neu'r wain.
- poen wrth wneud dwr.
- gwaedu rhwng mislifoedd.
- poen neu chwydd yn y ceilliau.
- poen yn ystod rhyw.
- poen yn isel yn yr abdomen.
Profion a thriniaeth
- Fel arfer, cymerir swab o'r wain neu o flaen y pidyn, yn ogystal â sampl wrin. Efallai bydd y swab yn anghyfforddus, ond bydd yn gyflym, a ni ddylai fod yn boenus.
- Gellir trin Clamydia yn rhwydd gyda gwrthfiotigau. Er mwyn osgoi dal yr haint eto, dylai partneriaid rhywiol hefyd dderbyn triniaeth.
- Os nad yw'n cael ei drin, gall clamydia ledu i organau cenhedlu eraill, ac achosi problemau iechyd difrifol megis haint pelfig llidiol, beichiogrwydd ectopig ac anffrwythlondeb.
© fpa Cedwir Pob Hawl
