Trichomonas Vaginalis
Beth yw trichomonas vaginalis?
Haint sy'n cael ei achosi gan barasit microsgopig yn y wain a'r wrethra mewn merched a dynion yw trichomonas vaginalis.
Sut mae'n cael ei drosglwyddo?
Mae'n cael ei drosglwyddo trwy ryw ddiamddiffyn trwy'r wain, trwy'r geg neu drwy'r anws, trwy rannu teganau rhyw, neu o fam i'w phlentyn wrth ei (g)eni.
Arwyddion a symptomau
Weithiau does dim symptomau, neu dyw'r unigolyn ddim yn sylwi arnynt oherwydd eu bod mor ysgafn.
Ymysg arwyddion nodweddiadol yr haint mae'r canlynol:
- newid yn y rhedlif o'r wain: gall hyn gynyddu, fynd yn deneuach, yn ewynnog neu newid arogl
- rhedlif o'r pidyn
- llid neu ddolur neu gosi o fewn ag o gwmpas y wain
- poen wrth wneud dwr mewn dynion a merched
- poen wrth gael rhyw.
Profion a thriniaeth
- Fel arfer cymerir swab o'r wrethra, y wain neu flaen y pidyn. Efallai y bydd hyn ychydig yn anghyfforddus, ond mae'n gyflym a ni ddylai fod yn boenus.
- Efallai bydd angen sampl wrin.
- Mae'n rhwydd trin trichomonas vaginalis gyda gwrthfiotigau. Er mwyn osgoi dal yr haint eto, dylai partneriaid rhywiol hefyd dderbyn triniaeth.
- Heb driniaeth, nid yw'n achosi problemau iechyd difrifol.
© fpa Cedwir Pob Hawl
