Syniadau ar gadw'n ffit
Awgrymiadau defnyddiol am wneud ymarfer corf:
- Ceisiwch gynnwys rhywfaint o ymarfer corff yn eich amserlen ddyddiol. Beth am ddod oddi ar y bws ychydig ynghynt a cherdded weddill y ffordd?
- Defnyddiwch y grisiau yn hytrach na'r lifft, a pheidiwch â defnyddio'r car ar gyfer teithiau byr - mwynhewch gerdded!
- Cofiwch gychwyn yn araf a chynyddu'n raddol
- Gwnewch ymarfer corff nes byddwch ychydig yn flinedig, ond peidiwch â gor-wneud pethau. Bydd y lefel gywir yn eich gwneud ychydig yn fyr eich gwynt ond ddim fel na allwch siarad
- Dylech gynhesu'ch corff bob amser cyn cychwyn ymarfer corff i baratoi'ch cyhyrau, a dylech gynnwys rhai ymarferion ymestyn
- Dylech arafu'ch sesiwn ymarfer cyn gorffen. Peidiwch â rhoi'r gorau iddi'n syth ar ôl ymarfer corff caled. Arafwch eich gweithgaredd i lefel gyfforddus am ychydig funudau ar ddiwedd pob sesiwn.
- Arafwch am awr ar ôl bwyta pryd mawr cyn cychwyn ymarfer corff
- Peidiwch ag anwybyddu poen - eich corff sy'n dweud wrthych am roi'r gorau iddi!
- Symudiadau rhwydd, rhythmig sydd orau - beicio, nofio a cherdded yw'r ffyrdd gorau o ymarfer pob rhan o'r corff.
Ffyrdd eraill i wella'ch iechyd a'ch ffitrwydd:
- Bwyta'n iach - dylech fwyta amrywiaeth o fwydydd o'r 5 grwp bwyd sylfaenol bob dydd. Bwytewch lai o fraster, colesterol, siwgr a halen. Yfwch ddigonedd o hylif, er enghraifft, dwr.
- Peidiwch ag ysmygu a chadwch lygad ar yr alcohol. Os ydych yn ysmygu neu os oes gennych broblemau alcohol, gofynnwch i'ch meddyg eich cyfeirio at ffynonellau help.
- Llai o dyndra. Cymerwch seibiant byr. Gwnewch rywbeth bob dydd sy'n eich helpu i ymlacio.
- Cofiwch gael digon o orffwys.
Cyswllt gwybodaeth
Mae'r bas data ar asiantaethau'n cynnwys manylion cyswllt mudiadau fydd efallai yn gallu cynnig gwybodaeth neu gymorth ar y pwnc yma.
Chwilio'r bas data »
Ailgynhyrchwyd trwy ganiatâd caredig Galw Iechyd Cymru - www.nhsdirect.wales.nhs.uk/theroom
