Ychydig bach o fwydydd sy'n cynnwys siwgr ychwanegol
Does dim maetholion mewn siwgr - dim ond calorïau. Does dim angen siwgr i greu egni - mae egni'n dod o fwydydd eraill byddwn yn eu bwyta. Siwgr yw prif achos pydredd dannedd, ac mae'n un o brif achosion gordewdra a'r risgiau iechyd sy'n gysylltiedig â hynny.
Edrychwch ar y labeli sydd ar y bwyd rydych yn ei fwyta. Mae siwgr yn ymddangos o dan lawer o enwau gwahanol - "glwcos", "decstros", "ffrwctos", "maltos", "swcros" i enwi ond rhai ohonynt.
Ceisiwch dorri 'nôl ar y siwgr sydd yn eich diet chi.
Sut i dorri lawr ar siwgr
- Dylech fwyta llai o fyrbrydau sy'n cynnwys siwgr, megis bisgedi a theisennau
- Dylech yfed te a choffi heb siwgr (gallwch ddefnyddio melyswr artiffisial yn lle)
- Dylech ddewis mathau isel mewn calorïau neu fathau "diet" o ddiodydd swigod, a diodydd ffrwythau heb siwgr ychwanegol
- Dylech ddewis grawnfwydydd grawn cyflawn i frecwast, yn hytrach na rhai sydd â chaen siwgr neu fêl
- Dylech brynu ffrwythau mewn tuniau sydd mewn sudd ffrwythau naturiol yn hytrach na surop
- Dylech dorri lawr ar faint o farmalêd, jam, mêl a surop rydych yn eu bwyta
- Dylech brynu pwdinau a melysfwydydd (e.e. Angel Delight, jeli) sy'n barod i'w gwneud, sydd yn isel mewn siwgr
- Llawer o ffrwythau a llysiau
- Digonedd o fwydydd sy'n llawn startsh a ffibr
- Dim gormod o laeth a bwydydd llaeth
- Dim gormod o gig, pysgod neu ddewisiadau yn lle cig
- Ychydig bach o fwydydd sydd yn uchel eu braster
- Ychydig bach o fwydydd sy'n cynnwys siwgr ychwanegol
- Ychydig o fwydydd sy'n cynnwys halen
- Gair ar alcohol...
Cyswllt gwybodaeth
Mae'r bas data ar asiantaethau'n cynnwys manylion cyswllt mudiadau fydd efallai yn gallu cynnig gwybodaeth neu gymorth ar y pwnc yma.
Chwilio'r bas data »
