Anhwylder pyliau gorfwyta (BED)
Mae anhwylder pyliau gorfwyta (BED) yn rhannu rhai o nodweddion bwlimia, ond y gwahaniaeth pwysig yw bod yr unigolyn yn gorfwyta'n aflywodraethus, ond nid yw'n carthu. Y gred yw bod mwy o bobl yn dioddef o anhwylder pyliau gorfwyta nag o anorecsia neu fwlimia nerfosa. Oherwydd faint o fwyd maent yn ei fwyta, mae llawer o bobl sydd â BED yn mynd yn ordew, a gall hyn arwain at broblemau gyda phwysedd y gwaed, clefyd y galon a diffyg ffitrwydd yn gyffredinol. Mewn rhai ffyrdd, mae'r driniaeth ar gyfer BED yn debyg i driniaeth fwlimia.
Arwyddion pyliau gorfwyta
- Bwyta'n llawer cyflymach nag arfer
- Bwyta nes teimlo'n anghyfforddus o lawn
- Bwyta llawer o fwyd er nad yw'r unigolyn mewn gwirionedd eisiau bwyd
- Bwyta wrth eich hunan oherwydd embaras ynghylch faint o fwyd mae rhywun yn bwyta
- Teimlad o ddiffyg rheolaeth mewn perthynas â bwyd
- Teimlo'n hunanymwybodol ynghylch bwyta o flaen pobl eraill
- Teimlo cywilydd, yn isel neu'n euog ar ôl pyliau gorfwyta
- Yn methu â charthu ei hunan neu i wneud iawn am y bwyd gafodd ei fwyta.
Gwella
Gweler yr adran triniaeth am wybodaeth ar wella yn sgil bwlimia.
Yn seiliedig ar wybodaeth a ddarparwyd gan yr Eating Disorders Association.
Gwefan: www.edauk.com. Llinell gymorth: 0845 634 14.
