Ydy'ch pwysau chi'n iach?
Yn gyntaf, bydd angen gwybod eich taldra a'ch pwysau. Wedyn gallwch ddefnyddio'r Cyfrifiannell BMI i weithio allan Mynegai Más eich Corff.
Noder nad yw'r BMI yn fanwl gywir i bawb - mwy o wybodaeth.
Os ydych yn dda gyda rhifau, gallwch weithio hyn allan eich hunan...
- Lluoswch eich taldra (mewn metrau) wrth ei hunan (e.e. 1.65m x 1.65m).
- Yna pwyswch eich hunan mewn cilogramau.
- Yna rhannwch eich pwysau gyda'ch taldra sgwaredig (sef yr ateb i gwestiwn 1) i gael Mynegai Más eich Corff (BMI).
Er enghraifft:
Mae Bethan yn 1.5 metr mewn taldra ac yn pwyso 50 cilogram.
1.5 x 1.5 = 2.25. 50 rhannu â 2.25 = 22.22
Felly Mynegai Más Corff Bethan yw:
22.22
Ar ôl gweithio allan eich BMI, cymharwch y ffigur â'r tabl isod a darllenwch yr adran sy'n berthnasol i'ch categori chi.
I'r rhan fwyaf o bobl mae'r BMI yn ddull dibynadwy i weld a yw eich pwysau yn peri risg i'ch iechyd. Fodd bynnag, NODER: nad yw'r BMI yn fanwl gywir ar gyfer:
- athletwyr neu unigolion sy'n magu cyhyrau (mae cyhyrau'n pwyso'n drymach na braster, fyddai'n gallu golygu fod rhywun sy'n gyhyrog iawn yn cael ei gategoreiddio yn ordew)
- menywod sy'n disgwyl
- menywod sy'n rhoi'r fron
- plant
- pobl fregus mewn oed
- pobl sydd o dan 5 troedfedd
BMI argymelledig
- pwysau isel (BMI llai na 18.5)
- ystod pwysau iach (BMI 18.5 - 25)
- rhy drwm (BMI 25 - 30)
- ordew (BMI 30 - 40)
- ordew iawn (BMI dros 40)
Cyswllt gwybodaeth
Mae'r bas data ar asiantaethau'n cynnwys manylion cyswllt mudiadau fydd efallai yn gallu cynnig gwybodaeth neu gymorth ar y pwnc yma.
Chwilio'r bas data »
